სამოქალაქო თავდაცვა - ქვეყნის ტოტალური თავდაცვის მნიშვნელოვანი კომპონენტი

ანოტაცია

სამოქალაქო თავდაცვა საერთო-სახელმწიფოებრივი სოციალურ და თავდაცვით ღონისძიებათა სისტემის შემადგენელი ნაწილია. იგი იგეგმება და ხორციელდება მშვიდობიანობის და ომიანობის დროს მოსახლეობის დასაცავად, ეკონომიკის ობიექტების სტაბილური ფუნქციონირების შესანარჩუნებლად, აგრეთვე სამაშველო-საავარიო და სხვა სახის გადაუდებელი სამუშაოების ჩასატარებლად დაზიანების კერებში. იგი არის არასამხედრო, თავდაცვითი ღონისძიებების კომპლექსი, რომელიც მიზნად ისახავს სახელმწიფო მართვის ქმედითუნარიანობის უზრუნველყოფას. სამოქალაქო თავდაცვას აქვს მთავარი ამოცანა - ქვეყნის ზურგის დაცვა. სამოქალაქო თავდაცვა, ხალხის და მატერიალური დანაკარგების შემცირების მიზნით, იყენებს მხოლოდ მისთვის დამახასიათებელ, უმეტესად პასიურ მეთოდებს და საშუალებებს.