ტერიტორიული თავდაცვის ძალების როლი ქვეყნის თავდაცვის სისტემაში

ანოტაცია

ტერიტორიული თავდაცვა - სამხედრო და საერთო სახელმწიფოებრივი ღონისძიებების შემადგენელი ნაწილია, რომელიც ხორციელდება სახელმწიფოს ტერიტორიაზე, მოწინააღმდეგის დივერსიული აქტებისაგან ობიექტების და კომუნიკაციების დასაცავად, აგრეთვე საომარი მდგომარეობის რეჟიმის დასამყარებლად და მხარდასაჭერად.
ტერიტორიული თავდაცვის ძირითად ამოცანებს განეკუთვნება:
•
მნიშვნელოვანი სამხედრო ეკონომიკის ობიექტების და კომუნიკაციების საიმედო დაცვა;
•
ბრძოლა მოწინააღმდეგის დივერსიულ-სადაზვერვო ტერორისტულ ძალებთან;
•
საომარი მდგომარეობის რეჟიმის დამყარება და შენარჩუნება, ქვეყნის მთელ ტერიტორიაზე ან მის ცალკეულ რაიონებში;
•
სახელმწიფო ხელისუფლების და თვითმართველობის ორგანოებთან ურთიერთქმედებით, ქვეყნის საკანონმდებლო და სხვა ნორმატიული აქტების შესრულება, რომლებიც ტერიტორიულ თავდაცვას ეხება;
•
ტერიტორიული თავდაცვის ღონისძიებების დაგეგმვასა და უზრუნველყოფაში მონაწილეობა;
•
დასაცავი ობიექტების და კომუნიკაციების ნუსხის დაზუსტება და ღონისძიებების განხორციელება მათ დასაცავად;
•
საჭირო ძალებისა და სახსრების განსაზღვრა ადგილობრივი ბიუჯეტიდან;
•
კანონიერებისა და წესრიგის დაცვის უზრუნველყოფა თავიანთ ტერიტორიაზე, იმ ადგილებში, სადაც საომარი მდგომარეობაა გამოცხადებული;
•
ომიანობის დროს, ქვეყნის უმაღლესი ხელისუფლების მიერ ჩამოყალიბებული სახელმწიფო მმართველობის ორგანოების ხელმძღვანელობასთან ურთიერთქმედება საომარი მდგომარეობის შესახებ კანონის შესაბამისად:
•
ომის შემთხვევაში, ტერიტორიულმა თავდაცვამ, თავდაცვის ძალებთან ურთიერთქმედებით, უნდა უზრუნველყოს შემოჭრილი მტრის ყოველმხრივი დაზიანება და მისი წინსვლის შენელება, შეკავება საბრძოლო მოქმედებებით, სტრატეგიულად მნიშვნელოვანი ტერიტორიების და ობიექტების საფუძვლიანი დაცვით.